"Барселона" вингери Рафинья Диас клуб уни сотиш ниятида экани ҳақидаги миш-мишларга қарамай, кейинги мавсумда Хави Эрнандес билан қолишига ишонмоқда.
Эслатиб ўтамиз, бразилиялик футболчининг хизматларига аввалроқ "Ньюкасл" ва Лондоннинг "Арсенал" каби жамоалари қизиқиш билдираётган эди. "Барселона" футболчи учун 55 миллион евролик таклиф тушса, Рафиньяни сотишга рози бўлиши ҳақида маълумот тарқатилганди.
"Албатта, кейинги мавсумда “Барселона”да қоламан. Шартномам бўйича яна кўп йилларим бор ва умид қиламанки, буни ҳеч бўлмаганда охиригача бажара оламан", - деди Рафинья Barca Universal билан суҳбатда.
Ла Лигадаги дебют мавсумида Рафинья 7 та гол урди ва "Барселона"нинг олтин медални қўлга киритишига ёрдам берди.
