“Барселона” Европа Суперлигасидан чиқиш имкониятини кўриб чиқмоқда.
Vozpopuli хабарига кўра, "Ювентус" Европа Суперлигасидан чиқиш жараёнини бошлаганини эълон қилганидан сўнг, "Барселона" ҳам Негрейра туфайли УЕФА Чемпионлар Лигасидаги иштироки тақиқланишига йўл қўймаслик учун Суперлига билан алоқаларни оммавий равишда тўхтатиш вариантини кўриб чиқмоқда.
Хабар қилинишича, "Барселона" ҳакамлар техник қўмитаси собиқ вице-президенти Хосе Негрейра компаниясига пул ўтказган. Каталонияликлар ҳакамлик қарорлари учун эмас, балки ҳисоботлар учун пул тўлаганини даъво қилмоқда. Шунга қарамай, бу ҳолат жамоатчилик ва футбол ассоциацияларининг жиддий эътиборини тортди.
