Хабарингиз бор, эртага яъни 19 октябрь куни Қарши шаҳридаги "Насаф" Марказий стадионида 17:30 да бошланадиган 23-турнинг марказий учрашуви "Спорт" телеканали орқали тўғридан-тўғри намойиш этилмайди.
Бу ҳақда "Насаф" ПФК расмий сайти www.fcnasaf.uz орқали маълумот берилмоқда. “Насаф” кўчма телевизион станцияси ходимлари учрашувни видеотасвирга олишади ва беллашув 19 окятбрь куни кеч соат 23:10 дан бошлаб “Спорт” телерадиоканали орқали намойиш этилади. Учрашувни Умид Рўзиев шарҳлаб боради.
"Спорт" телеканали эртага соат 18:00дан бошлаб "Бунёдкор" - "Навбаҳор" учрашувини жонли эфирда трансляция қилади.
Эслатиб ўтамиз, “Насаф” ва “Пахтакор” жамоалари ўртасидаги учрашувига 19 октябрь куни соат 17:30 да старт берилади. Мазкур жамоаларнинг ўринбосарлари ўртасидаги баҳс эса 18 октябрь куни соат 16:00 да “Насаф” (олдинги “Меҳнат”) стадионида бошланади. Ҳозирги пайтда ушбу учрашувга стадион кассаларида чипталар сотилиши давом этмоқда. Шунингдек, стадионга ташриф буюрган мухлислар қизиқарли ўйинни томоша қилиш билан биргаликда "Насаф" ПФК томонидан ташкил этилаётган қизиқарли тадбирларни ҳам кузатиш имконига эга бўлишади.