Лука Модрич "Реал"да қолади. Яқин орада Мадрид гранди хорватиялик ярим ҳимоячи билан шартномани яна бир мавсумга узайтиришини маълум қилиши керак.
Журналист Жанлука ди Марционинг ўз сайтида хабар беришича, Модрич "Ал-Ҳилол" таклифини рад этган. Саудия Арабистони клуби 37 ёшли хорватиялик футболчига умумий қиймати 200 миллион евро бўлган 3 йиллик шартнома таклиф қилди.
Лука Модрич 2012 йилнинг ёзи охирида "Тоттенхэм"дан сотиб олинганди. Ўшандан бери хорватиялик футболчи "қаймоқранглилар" сафида 488 та ўйин ўтказиб, 37 та гол урган ва 77 та голга ассистентлик қилган.
