Ушбу воқеага бағишлаб 17 октябрь куни championat.uz сайти мақола тайёрлади. "Санжар Турсунов 15 йиллик рекордни такрорлай олди" деб номланган бу мақолани ушбу ҳаволадан ўқиб олишингиз мумкин.

Мақолада Турсуновнинг 4 ўйиндаги 4 та голи билан рекордни такрорлагани ва яна бир хужумчимиз Олег Шацких ҳам кетма-кет 4 ўйинда 6 гол киритгани хақида ёзилган. Лекин айтишимиз мумкинки, бу хабарлар ҳақиқатдан йироқ ва ҳолат бироз нотўғри талқин қилинган.

Ҳақиқатан ҳам терма жамоамиз сафида кетма-кет гол уриш бўйича рекорд соҳиби — Олег Шацких ҳисобланади. Фақат у 1997 йилнинг 1 июндан 20 сентябргача кетма-кет 6 та ўйинда 8 та гол кирита олган. Мана ушбу ўйинлар рўйхати:

01.06.1997 - Индонезия 1-1 Ўзбекистон (1 гол)   
20.06.1997 - Ўзбекистон 3-0 Индонезия (1 гол)   
24.08.1997 - Ўзбекистон 5-1 Яман (2 гол)
07.09.1997 - Япония 6-3 Ўзбекистон (2 гол)   
12.09.1997 - Жанубий Корея 2-1 Ўзбекистон (1 гол)   
20.09.1997 - Қозоғистон 1-1 Ўзбекистон (1 гол)

Бу хақда тўлиқ маълумот футболчининг uzfootball.uz сайтидаги шахсий саҳифасида батафсил ёритилган.

Шунингдек терма жамоамиз сафида кетма-кет гол урган футболчилар хақида қуйидаги ҳаволадан билиб олишингиз мумкин - http://www.uzfootball.uz/index.php?do=static&page=records

Сардор Юсупов