Мадриднинг “Реал” клуби “Эспаньол”нинг собиқ ҳужумчиси Хоселу билан шартнома имзолаганини тасдиқлади.

33 ёшли испаниялик футболчи сотиб олиш опцияси билан ижара асосида клубга ўтди.

Форварднинг тақдимоти сешанба куни маҳаллий вақт билан соат 11 да бўлиб ўтади.

Хабар қилинишича, Мадриднинг “Реал” клуби Хоселуни 500 минг евро эвазига сотиб олиш опцияси билан 1,5 миллион еврога ижарага олган.

Футболчи 2009 йилдан 2012 йилгача Мадрид клубининг ёшлар жамоасида 73 учрашувда 40 та гол урган ва 8 та голли узатмани амалга оширган.

Хоселу ўтган мавсумда Ла Лигада 38 ўйинда 17 гол урди ва 4 голга ассистентлик қилди.