Қизғин кечган ўйинда “Бухоро” ўз майдонида “Қизилқум”ни мағлуб этди ва амалда Олий лигадан тушиб кетмайдиган бўлди. “Қизилқум” эса ушбу мағлубиятдан кейин бироз қийин аҳволда қолди.
Ўйиндаги ягона гол биринчи бўлимга қўшиб берилган дақиқаларда киритилди. Девид Ония томонидан ўнг қанотдан етказиб берилган тўпни Баҳриддин Ваҳобов дарвозага йўллади.
Ўйин давомида ҳар иккала жамоада кўплаб имкониятлар юзага келди. Жумладан, яна ўша Ваҳобов йўллаган тўп дарвоза устунига теккан бўлса, бошқа вазиятларда дарвозабонлар яхши ҳаракат қилишди.
ОЛИЙ ЛИГА. 23-ТУР
“БУХОРО” – “ҚИЗИЛҚУМ” – 1:0 (1:0)
Голлар: Б.Ваҳобов 45+1
“Бухоро”: Қобулжонов, Шибамура, Ония, Квесиешвили, Николаев, Ҳасанов, Сулаймонов, Шодиев, Нарзуллаев, Муҳиддинов, Ваҳобов,
"Қизилқум": Павел Леус, Мирзаев, Васильев, Рустамов, Саматов, Бобожонов, И.Ильин, Агалиев, Власичев, Шихов, Кагиров
Бош ҳакам: Марат Исмоилов