Чемпионлик мавсумидан сўнг "Наполи" раҳбариятида жиддий ўзгаришлар режалаштирилган.
Жамоани узоқ кутилган Скудетто сари етаклаган мураббий Лучано Спалеттидан ташқари, спорт директори Кристиано Жинтоли ҳам тарк этиши мумкин.
Таниқли журналист Жанлука ди Марцио хабарига кўра, яқин кунларда Неапол жамоаси раҳбариятининг йиғилиши бўлиб ўтади.
Қайд этилишича, “Наполи” президенти Аурелио де Лаурентис Жинтолининг кетишини маъқуллайди.
Эслатиб ўтамиз, Кристиано Италиянинг амалдаги чемпиони сафига 2015 йилда келиб қўшилганди. 2024 йилгача мўлжалланган шартномага қарамай, у жорий мавсумда Туриннинг "Ювентус" клубига ўтишга яқин турибди.
