Англия терма жамоаси устози Гарет Саутгейт Букайо Сака ҳақида Шимолий Македонияга қарши ўйиндан кейин илиқ фикр билдириб ўтди. У шундай дейди:
"Мен унинг ўйинидан мамнунман. Сакада бир неча ҳафта олдин кичик жароҳат бор эди. Аммо бугун бу нарса унга ҳалақит қила олмади. Бутун халқ Сакани бугунги куни билан эслайди. У жуда ҳам тиришқоқ йигит. Камтарлигига гап йўқ. Бутун жамоа ва мураббийлар штаби Сакани қадрлайди. Мен ҳам унинг шу ерда эканидан хурсандман. Унинг келажаги порлоқ".