Туриннинг "Ювентус" клуби ўз ярим ҳимоячиси Адриен Рабьони жамоада қолишга ва муддати тугайдиган шартномасини узайтиришга кўндирмоқчи. Журналист Фабрицио Романонинг ёзишича, “кекса синьора” франциялик футболчи учун янги шартнома устида ишлашда давом этмоқда.
Манбанинг хабар беришича, "Ювентус" учун Рабьони сақлаб қолиш ниҳоятда қийин бўлади, чунки футболчига Англия Премьер-лигасида эркин агент сифатида ўтишда жуда қулай шарт-шароитлар таклиф этилади. Шунга қарамай, "бьянконерилар" ярим ҳимоячи учун охиригача курашади.
Рабьо Италия А сериясининг сўнгги мавсумида 8 та гол урди ва 4 та голли узатмани амалга оширди.
