Turinning "Yuventus" klubi o‘z yarim himoyachisi Adriyen Rabyoni jamoada qolishga va muddati tugaydigan shartnomasini uzaytirishga ko‘ndirmoqchi. Jurnalist Fabrisio Romanoning yozishicha, “keksa sinyora” fransiyalik futbolchi uchun yangi shartnoma ustida ishlashda davom etmoqda.
Manbaning xabar berishicha, "Yuventus" uchun Rabyoni saqlab qolish nihoyatda qiyin bo‘ladi, chunki futbolchiga Angliya Premyer-ligasida erkin agent sifatida o‘tishda juda qulay shart-sharoitlar taklif etiladi. Shunga qaramay, "byankonerilar" yarim himoyachi uchun oxirigacha kurashadi.
Rabyo Italiya A seriyasining so‘nggi mavsumida 8 ta gol urdi va 4 ta golli uzatmani amalga oshirdi.
