Чемпионлик мавсумидан сўнг "Наполи" раҳбариятида жиддий ўзгаришлар режалаштирилган.
Жамоани узоқ кутилган Скудетто сари етаклаган мураббий Лучано Спалеттидан ташқари, парфенопияликлар лагерини спорт директори Кристиану Жунтоли ҳам тарк этиши мумкин. Таниқли журналист Жанлука ди Марцио хабарига кўра, яқин кунларда Неаполь жамоаси раҳбариятининг йиғилиши бўлиб ўтади. Қайд этилишича, “Наполи” президенти Аурелио де Лаурентис Жунтолининг кетишини маъқуллайди.
Эслатиб ўтамиз, Кристиану Жунтоли Италиянинг амалдаги чемпиони билан 2015 йилда бери ишлаб келади. 2024 йилгача мўлжалланган шартномага қарамай, Жунтоли жорий мавсумда Туриннинг "Ювентус" клубига ўтишга яқин турибди.
