"Пари Сен-Жермен" ярим ҳимоячиси Марко Верратти ўз жамоасида қолиш ниятида.
Бир неча кун аввал маълум бўлганидек, 30 ёшли футболчида ватанига қайтиш варианти бор эди - "Рома" уни таклиф қилмоқчи. Қайд этилишича, римликлар устози Жозе Моуриньо шахсан ўзи Верратти билан боғланиб, уни трансферга рози бўлишга кўндирган. L'Equipe хабарига кўра, италиялик футболчи "ПСЖ"ни тарк этиш ниятида эмас. У аллақачон оиласига Парижда қолиш қарори ҳақида хабар берган.
Эслатиб ўтамиз, ўтган йилнинг декабр ойида Марко Верратти "ПСЖ" билан шартномасини 2026 йилгача узайтирганди. У 11 йилдан бери Франция 1-лигаси гиганти шарафини ҳимоя қилиб келмоқда.