Норвегия терма жамоаси ҳужумчиси Эрлинг Холанд Евро-2024 саралаш турнирининг 4-тур учрашувида Кипрга қарши ўйинда (3:1) дубль қайд этди.
22 ёшли ҳужумчи учун бу голлар клуб ва мамлакат учун жорий мавсумдаги 55 ва 56-голлари бўлди. Норвегиялик футболчи 54 та гол урган Килиан Мбаппени ортда қолдириб, жорий мавсум топ-5 лиганинг энг яхши тўпурарига айланди.
Холанд ўтган ёзда "Боруссия Дортмунд"дан "Манчестер Сити"га ўтган эди. Ҳужумчи ўзининг дебют мавсумида Премьер-лигада, Чемпионлар лигасида ғолиб чиқди ва ҳар иккала турнирда ҳам энг яхши тўпурарга айланди.