Norvegiya terma jamoasi hujumchisi Erling Xoland Yevro-2024 saralash turnirining 4-tur uchrashuvida Kiprga qarshi o‘yinda (3:1) dubl qayd etdi.
22 yoshli hujumchi uchun bu gollar klub va mamlakat uchun joriy mavsumdagi 55 va 56-gollari bo‘ldi. Norvegiyalik futbolchi 54 ta gol urgan Kilian Mbappeni ortda qoldirib, joriy mavsum top-5 liganing eng yaxshi to‘purariga aylandi.
Xoland o‘tgan yozda "Borussiya Dortmund"dan "Manchester Siti"ga o‘tgan edi. Hujumchi o‘zining debyut mavsumida Premyer-ligada, Chempionlar ligasida g‘olib chiqdi va har ikkala turnirda ham eng yaxshi to‘purarga aylandi.