Ҳиндистон ўсмирлар терма жамоаси бош мураббийи Бибиано Фернандес U17 Осиё кубоги гуруҳ босқичи 2-тури доирасида Ўзбекистонга қарши бўлиб ўтган ўйин (0:1) борасида ўз фикрларини билдириб ўтди.

"Яхши ўйин ўтказдик. Бизга қийин бўлишини билардик. Биз бор кучимиз билан ҳаракат қилдик. Биринчи бўлимда рақибни тўхтата олдик. Иккинчи бўлимда ҳам бунга ҳаракат қилдик. Ўз шогирдларим билан фахрланаман. Чунки, улар бугун майдонда 100 фоиз кучларини беришди. Кейинги ўйинни интизорлик билан кутамиз.

Ўйлашимча, биз яхши ҳимояландик. Ўтказиб юборилган ягона голда омадимиз келмади. Ўша пайтда бироз тажавузкор ҳимояланганимизда зарбани қайтаришимиз мумкин эди.

Энди бизда бир очко бўлса, асосий рақибларимиз ҳисобида 4 очкодан мавжуд. Япониянинг қандай кучга эга эканини биламиз. Улар ушбу ёш тоифасида мусобақанинг амалдаги чемпиони ҳисобланади. Аммо футболда ҳамма нарса рўй бериши мумкин. Биз режа ишлаб чиқамиз. Агар ғалаба қозонсак, кейинги босқичга чиқишимиз мумкин.

Ушбу Осиё чемпионати футболчилар учун яхши тажриба бўлмоқда. Дастлабки икки ўйиндан тўғри хулоса чиқарамиз. Ўртоқлик ўйинлари ва расмий ўйинлар ўртасида фарқ катта. Биз жамоа сифатида олдинга интиламиз", — деди Фернандес.