"Вест Хэм" ярим ҳимоячиси Деклан Райс фаолиятини бошқа клубда давом эттириши мумкин, деб хабар беради The Telegraph.
Манбага кўра, 24 ёшли англиялик учун курашга "Манчестер Юнайтед" қўшилган. Манкунианликлар футболчи учун ҳимоячи Харри Магуайр ёки ярим ҳимоячи Скотт Мактоминейни таклиф қилишга тайёр.
Райс ўтган мавсумда барча турнирларда 50 та ўйинда майдонга тушиб, 5 та гол урди ва 4 та голли узатмани амалга оширди. Transfermarkt уни 90 миллион еврога баҳоламоқда.