Италия «А» сериясининг саккизинчи тури марказий учрашувлар билан бошланди. «Ювентус» ўз уйида ғалаба қозонган бўлса, «Милан» Римда «Лацио»га имкониятни бой бериб қўйди.

Туринликларнинг захираси Италиянинг яна бир етакчиларидан бири «Наполи» устидан ғалабага сабаб бўлди. 80 дақиқа гол ура олмаган жамоалар мураббийларнинг топқирлиги эвазига ғолибни аниқлашди. «Ювентус»нинг захирадан туширилган икки футболчиси Мартин Касерес ва Погба қисқа вақт ичида иккита гол киритиб мезбонларга муҳим бўлган уч очкони келтирди.

Турнинг яна бир марказий учрашувида эса «Лацио» «Милан»ни йирик ҳисобда ҳам мағлуб этиши мумкин эди. 49-дақиқага келиб ҳисобни йирик кўринишга олиб келган пойтахтликлар кейинги дақиқаларда бироз ҳотиржамликка берилишди ва икки бор ўз дарвозаларидан тўп олиб чиқишди. Аммо қолганига Аллегри шогирдларининг кучи етмади ва натижада «Лацио» «Наполи»га деярли етиб олди. Римликлар ҳисобида 8 учрашувдан кейин 18 очко бўлса, «Наполи»да бу кўрсаткич 19тани ташкил қилмоқда. «Ювентус» бу ғалабадан кейин 22 очко тўплаган ҳолда яққол пешқадамга айланиб олди. «Милан» эса 8 учрашувда бор-йўғи 7 очко жамғариб ҳозирда 13-ўринда бормоқда. Эртанги баҳслардан кейин бу кўрсаткич янада ёмонлашиши аниқ бўлиб турибди. Вазият шундайки, жамоа ҳаттоки хавфли зона 18-20 ўринларга ҳам тушиб кетиши мумкин.

ИТАЛИЯ ЧЕМПИОНАТИ
8-тур
ЮВЕНТУС – НАПОЛИ 2:0 (0:0)
Голлар: М. Касерес (80), Погба (82).
Ювентус: Сторари, Кьеллини, Бонуччи, Бардзальи, Лихтштайнер, Маркизио, Видаль (Погба, 75), Пирло, Асамоа (М. Касерес, 78), Куальярелла (Матри, 60), Жовинко.
Наполи: Де Санктис, Гамберини (Инсинье, 85), П.Каннаваро, Кампаньяро, Суньига, Инлер, Маджо, Гамшик, Бехрами (Джемаили, 87), Пандев, Кавани.
Огоҳлантиришлар: Кавани (11), Видаль (30), Кьеллини (64), Кампаньяро (64), Бардзальи (74), М. Касерес (81), Инлер (90).

ЛАЦИО – МИЛАН 3:2 (2:0)
Голлар: Эрнанес (25),  Кандрева (41), Клозе (49), Н. де Йонг (61),  Эл-Шааравий (79).
Лацио: Бизарри, Конко, Бьява, Диас, Маури (Каванда, 58), Лулич, Эрнанес, К. Ледесма, А. Гонсалес (Цана, 72), Кандрева (Брокки, 83), Клозе.
Милан: Амелия, Абате, Бонера, Йепес, Антонини (Боян, 85), К. Боатенг (Эмануэлсон, 46), Ночерино (Пато, 51), Н. де Йонг, Монтоливо, Эл-Шааравий, Паццини.
Огоҳлантиришлар: Ночерино (12), Диас (13), Йепес (37), Антонини (56), А. Гонсалес (56).