Яқин соатларда ярим ҳимоячи Сандро Тоналининг "Милан"дан "Ньюкасл"га ўтиши бўйича якуний йиғилиш бўлиб ўтади. Унда барча манфаатдор томонлар иштирок этади, деб ёзади нуфузли инсайдер Фабрицио Романо ижтимоий тармоқларда. Ушбу учрашувда Тоналининг трансфери келишиб олиниши кутилмоқда.
Сандро Тонали 23 ёшда, у "Милан"га қадар "Брешия" клубида ўйнаган. Энди италиялик ўзини Англияда синаб кўради.
Эслатиб ўтамиз, “Ньюкасл” АПЛда тўртинчи ўринни эгаллади ва 20 йил ичида илк бор Чемпионлар лигаси йўлланмасини қўлга киритди.
Қўшимча қиламизки, Transfermarkt портали Тоналини 50 миллион еврога баҳоламоқда.