"Манчестер Юнайтед" "Вест Хэм" ярим ҳимоячиси Деклан Райс учун курашда таъслим бўлмаяпти.

24 ёшли футболчи учун курашда Лондоннинг “Арсенал” жамоаси фаворит саналади, “Манчестер Сити” ҳам даъвогарлар қаторида. Журналист Сами Мокбелнинг хабар беришича, "Манчестер Юнайтед" ҳам Райсни сотиб олмоқчи ва сўнгги кунларда клуб "Вест Хэм"га юқори баҳоли ярим ҳимоячини Харри Магуайр, Энтони Эланга ва 40 миллион фунт стерлингга (45 миллион евродан ортиқ) алмаштириш таклифи билан мурожаат қилган.

Бироқ “қизил иблислар”нинг трансферни амалга ошириш имконияти паст деб баҳоланмоқда.

Transfermarkt маълумотларига кўра Деклан Райс 90 миллион еврога баҳоланган.