Журналист Руди Галеттининг хабар беришича, "ПСЖ" ярим ҳимоячи Фабиан Руисни ижарага беришга тайёр.
Манбанинг хабарига кўра, футболчи жамоанинг кейинги мавсумдаги режаларига киритилмаган. Парижликлар қўйган ягона шарт - ижара шартномасига ярим ҳимоячини кейинчалик сотиб олиш бўйича бандни киритиш.
27 ёшли Руис ўтган ёзда "Наполи"дан 23 миллион евро эвазига "ПСЖ"га ўтган эди. 2022/23 йилги мавсумда испаниялик футболчи жамоа сафида барча турнирларда 37 та ўйинда майдонга тушиб, 3 та гол ва 3 та голли узатмани амалга оширган.
Руиснинг "ПСЖ" билан шартномаси 2027 йилнинг июнь ойи охиригача амал қилади. Transfermarkt маълумотларига кўра, футболчининг нархи 38 миллион еврога тенг.
