Jurnalist Rudi Galettining xabar berishicha, "PSJ" yarim himoyachi Fabian Ruisni ijaraga berishga tayyor.
Manbaning xabariga ko‘ra, futbolchi jamoaning keyingi mavsumdagi rejalariga kiritilmagan. Parijliklar qo‘ygan yagona shart - ijara shartnomasiga yarim himoyachini keyinchalik sotib olish bo‘yicha bandni kiritish.
27 yoshli Ruis o‘tgan yozda "Napoli"dan 23 million yevro evaziga "PSJ"ga o‘tgan edi. 2022/23 yilgi mavsumda ispaniyalik futbolchi jamoa safida barcha turnirlarda 37 ta o‘yinda maydonga tushib, 3 ta gol va 3 ta golli uzatmani amalga oshirgan.
Ruisning "PSJ" bilan shartnomasi 2027 yilning iyun oyi oxirigacha amal qiladi. Transfermarkt ma’lumotlariga ko‘ra, futbolchining narxi 38 million yevroga teng.