Италиялик ярим ҳимоячи Сандро Тонали "Милан"га бўлган муҳаббатини унутди ва Англиянинг "Ньюкасл" клубига ўтишга ҳозирлик кўрмоқда, унинг ҳозирги клуби бу борада яхши пул ишлаб олиши мумкин. Лекин нафақат "Милан", балки ярим ҳимоячи аввалроқ ўйнаган Италиянинг бошқа жамоаси ҳам трансфердан фойда кўради.
Гап "Брешия" ҳақида кетмоқда, Италиянинг ITASportPress.it ахборот агентлиги хабарига кўра, ўз вақтида Тоналини "Милан"га сотган "Брешия" раҳбарияти футболчини кейинги сотувидан ўн фоизга келишиб олган. Бу шуни англатадики, агар Тонали Англияга 80 миллион еврога сотилса, "Брешия" улардан 8 миллионини олади.