Лондоннинг "Арсенал" клуби ярим ҳимоячиси Томас Парти Саудия Арабистонига ўтишга қарор қилса, молиявий бойлигини жиддий ошириши мумкин. Журналист Иброҳим Сунни Дааранинг ёзишича, маҳаллий клублардан бири ганалик футболчига йилига 90 миллион евро маош таклиф қилмоқда. Солиқлардан ташқари ярим ҳимоячи икки йиллик шартнома асосида 180 миллион евро ишлаб олиши мумкин.
Эслатиб ўтамиз, Партига аввалроқ Туриннинг "Ювентус" клуби қизиқиш билдираётган эди, "бьянконерилар" ҳозирда вазиятни кузатмоқда ва агар футболчи Саудия Арабистони билан вариантни рад этса, таклиф билан чиқишга тайёр.
Парти "Арсенал"да 2020 йилнинг ёзидан бери ўйнамоқда.