Ҳужумчи Уильфрид Заханинг келажаги ноаниқлигича қолмоқда.
Сўнгги йилларда футболчи мунтазам равишда турли клублар билан боғланиб турибди, аммо "Кристал Пэлас" уни қўйиб юбормаётган. Энди Заха жамоани ўзи танлаши мумкин, чунки унинг амалдаги шартномаси июнь ойи охирида тугайди.
Инсайдер Фабрицио Романонинг ижтимоий тармоқларда хабар беришича, “Лацио” 30 ёшли Захага таклиф юборган. Музокаралар бўлиб ўтди, аммо потенциал келишув ҳақида аниқ бир таклиф йўқ. Захада кўплаб таклифлар бор ва у тез орада ўз имкониятларини баҳолайди.
2022/2023 йилги мавсумда Уильфрид Заха 28 та ўйинда 7 та гол урди ва шерикларига 3 та голли узатма берди.
