Hujumchi Uilfrid Zaxaning kelajagi noaniqligicha qolmoqda.

So‘nggi yillarda futbolchi muntazam ravishda turli klublar bilan bog‘lanib turibdi, ammo "Kristal Pelas" uni qo‘yib yubormayotgan. Endi Zaxa jamoani o‘zi tanlashi mumkin, chunki uning amaldagi shartnomasi iyun oyi oxirida tugaydi.

Insayder Fabrisio Romanoning ijtimoiy tarmoqlarda xabar berishicha, “Lasio” 30 yoshli Zaxaga taklif yuborgan. Muzokaralar bo‘lib o‘tdi, ammo potensial kelishuv haqida aniq bir taklif yo‘q. Zaxada ko‘plab takliflar bor va u tez orada o‘z imkoniyatlarini baholaydi.

2022/2023 yilgi mavsumda Uilfrid Zaxa 28 ta o‘yinda 7 ta gol urdi va sheriklariga 3 ta golli uzatma berdi.