Ҳужумчи Лионель Месси "ПСЖ" мухлислари билан муносабатлари ҳақида фикр билдирди.
"Мен "ПСЖ"га ўтдим, чунки клуб менга ёқди, чунки жамоада дўстларим ва танишларим етарли эди. Менимча, мослашиш мен ўтишим мумкин бўлган бошқа жамоаларга қараганда осонроқ бўлиши керак эди. Лекин ҳақиқат шундаки, мослашиш мен кутганимдан ҳам қийинроқ, анча қийинроқ бўлди.
Ўйлайманки, бошида мухлислар жуда яхши кутиб олишди. Бироқ, кейин одамлар менга бошқача муносабатда бўлишди. Аммо "ПСЖ" мухлисларининг бир қисми ҳам бор эди, улар менга бошидан охиргача бир хил муносабатда бўлишди. Менинг мақсадим мухлислар билан зиддият яратиш эмас эди. Аммо бу Неймар ёки Мбаппе билан олдин ҳам содир бўлган", - дея Мессидан иқтибос келтиради AS.
Месси 2021 йилдан 2023 йилгача "ПСЖ" сафида ўйнаган. Парижликлар билан бирга ҳужумчи икки марта Франция чемпиони ва мамлакат Суперкубоги соҳибига айланди.
