Агентлар "Интер" ярим ҳимоячиси Марсело Брозовични Саудия Арабистонига ўтишга кўндиришди.
Football Italia хабарига кўра, 30 ёшли футболчига "Ан-Наср" қизиқиш билдирмоқда. Агентлар футболчини Ар-Риёд клубига ўтиши учун босим ўтказишди. Саудия клуби хорватга юқори маош ва йирик шартнома имзолаш учун бонус, унинг агентларига эса юқори комиссия таклиф қилишга тайёр.
Қайд этилишича, Брозовичнинг ўзи "Барселона"га ўтишга интилмоқда. Каталонияликлар бош мураббийи Хави уни ярим ҳимоянинг асосий ўйинчисига айлантирмоқчи.
Брозович “Интер” сафида 2015 йилнинг январидан буён тўп тепади. 2022/23 йилги мавсумда ярим ҳимоячи барча мусобақаларда 40 та ўйинда майдонга тушиб, 3 та гол урди ва 6 та голли узатмани амалга оширди. Шартнома 2026 йилнинг ёзига қадар мўлжалланган.
Transfermarkt.com портали футболчининг нархини 25 миллион еврога баҳоламоқда.