Парижликлар ва жамоанинг амалдаги устози Кристоф Галтиер ўртасидаги музокаралар туфайли Луис Энрикенинг "ПСЖ" бош мураббийи этиб тайинлангани ҳақидаги расмий эълон кечиктирилди, деб хабар беради RMC Sport.
Манбага кўра, испаниялик мутахассис аллақачон "ПСЖ"да ишлаш учун мураббийлар штаби танлаш билан шуғулланган, бироқ француз клуби Галтье билан шартномани бекор қилиш борасида ҳозирча келиша олмаяпти. Унинг шартномаси 2024 йилнинг ёзига қадар мўлжалланган.
Ўтган мавсумда “ПСЖ” 85 очко билан Франция чемпионатини биринчи ўринда якунлади. Қолаверса, Галтье бошчилигидаги жамоа Чемпионлар лигасининг 1/8 финалига қадар етиб борган ва у ерда “Бавария”га имкониятни бой берган (0:1; 0:2).
