Суперлигада бир ойга яқин давом этган танаффусдан кейин "Пахтакор" 25 июнь куни Тошкент дербисида "Бунёдкор" билан тўқнаш келади.
“Бунёдкор” ва "Пахтакор" ўртасидаги дербилар ҳамиша кескин тўқнашувларга бой тарзда ўтади. Ҳозиргача ўтказилган 34 беллашувнинг 13тасида "Шерлар" ғолиб бўлишган. 9та баҳсда дуранг ва 12 ўйинда "қалдирғочлар" ғалабаси кузатилган. "Пахтакор" 45 тўп киритиб, 39 гол ўтказиб юборган. Жамоалар ўртасидаги энг йирик натижа 2020 йилнинг биринчи даврасида кузатилиб, унда "Пахтакор" 5:0 ҳисобида ютуққа эришган.
"Бунёдкор" майдонида кечган беллашувларда "шерлар" 5 ғалаба, 3 дуранг ва 9 мағлубият қайд этган. "Қалдирғочлар" 29 тўп киритган ва жамоамиз 21 гол уришга муваффақ бўлган.
"Бунёдкор" ва "Пахтакор" жамоалари ўртасидаги ўйин 25 июнь, якшанба куни соат 20:00да "Бунёдкор" стадионида бошланади.
