"Барселона" "Интер" ярим ҳимоячиси Марсело Брозовичга қизиқиш билдирмоқда.
Қайд этилишича, каталонияликлар бош мураббийи Хави уни ярим ҳимоянинг асосий фигурасига айлантирмоқчи.
30 ёшли футболчига "Ан-Наср" клуби ҳам қизиқиш билдирмоқда. Хабар қилинишича, агентлар футболчига Ар-Риёд клубига ўтиш учун босим ўтказишган.
Брозович “Интер” сафида 2015 йилнинг январидан буён тўп тепади. 2022/23 йилги мавсумда ярим ҳимоячи барча мусобақаларда 40 та ўйинда майдонга тушиб, 3 та гол урди ва 6 та голли узатмани амалга оширди. Шартнома 2026 йилнинг ёзига қадар мўлжалланган.
Transfermarkt.com портали футболчининг нархини 25 миллион еврога баҳоламоқда.