"Лидс" ҳимоячиси Расмус Кристенсен "Рома"га ўтишга яқин турибди.
25 ёшли ҳимоячи римликлар билан шартнома шартларини келишиб бўлган, "бўрилар" уни "Лидс"дан сотиб олиш бўйича музокараларни давом эттирмоқда.
Даниялик инглиз жамоасида 2022 йилдан буён ўйнаб келмоқда. Ўтган мавсумда у барча турнирларда 30 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt портали ҳимоячининг нархини 13 миллион еврога баҳоламоқда.