"Интер" ярим ҳимоячиси Марсело Брозовичнинг "Ан-Наср"да олиши мумкин бўлган маоши маълум бўлди.
Инсайдер Жанлука Ди Марционинг сўзларига кўра, футболчи уч йил ичида тахминан 60 миллион евро ишлаб олади. 26 июнь, душанба куни томонлар келишувни ёпиши керак. "Ан-Наср" 30 ёшли хорват учун тахминан 23 миллион евро тўлайди.
Аввалроқ ярим ҳимоячига "Барселона" ҳам қизиқиш билдираётгани ҳақида хабарлар тарқалган эди. Каталонияликлар бош мураббийи Хави уни ярим ҳимоянинг асосий ўйинчисига айлантирмоқчи.
Брозович “Интер” сафида 2015 йилнинг январидан буён тўп тепади. 2022/23 йилги мавсумда ярим ҳимоячи барча мусобақаларда 40 та ўйинда майдонга тушиб, 3 та гол урди ва 6 та голли узатмани амалга оширди. Шартнома 2026 йилнинг ёзига қадар мўлжалланган.