"Inter" yarim himoyachisi Marselo Brozovichning "An-Nasr"da olishi mumkin bo‘lgan maoshi ma’lum bo‘ldi.

Insayder Janluka Di Marsioning so‘zlariga ko‘ra, futbolchi uch yil ichida taxminan 60 million yevro ishlab oladi. 26 iyun, dushanba kuni tomonlar kelishuvni yopishi kerak. "An-Nasr" 30 yoshli xorvat uchun taxminan 23 million yevro to‘laydi.

Avvalroq yarim himoyachiga "Barselona" ham qiziqish bildirayotgani haqida xabarlar tarqalgan edi. Kataloniyaliklar bosh murabbiyi Xavi uni yarim himoyaning asosiy o‘yinchisiga aylantirmoqchi.

Brozovich “Inter” safida 2015 yilning yanvaridan buyon to‘p tepadi. 2022/23 yilgi mavsumda yarim himoyachi barcha musobaqalarda 40 ta o‘yinda maydonga tushib, 3 ta gol urdi va 6 ta golli uzatmani amalga oshirdi. Shartnoma 2026 yilning yoziga qadar mo‘ljallangan.