"Ал-Ахли" "Ливерпул"нинг собиқ ҳужумчиси Роберто Фирмино билан музокарага киришди, дея хабар беради журналист Фабрицио Романо.
Манбага кўра, Саудия Арабистони клуби айни дамда 31 ёшли бразилияликдан жавоб кутмоқда. “Ал-Ахли” футболчи жамоага ўтишга рози бўлса, тиббий кўрик учун барча шарт-шароитларни ҳозирдан тайёрламоқчи.
Фирмино 2015 йилнинг июлидан буён "Ливерпул"да тўп тепади, у 2022/23 йилги мавсум охирида шартномаси тугаши сабабли клубни тарк этди.
Ўтган мавсумда ҳужумчи мерсисайдликлар сафида 35 та ўйинда майдонга тушиб, 13 та гол урди ва 5 та голли узатмани амалга оширди.
