"Al-Axli" "Liverpul"ning sobiq hujumchisi Roberto Firmino bilan muzokaraga kirishdi, deya xabar beradi jurnalist Fabrisio Romano.
Manbaga ko‘ra, Saudiya Arabistoni klubi ayni damda 31 yoshli braziliyalikdan javob kutmoqda. “Al-Axli” futbolchi jamoaga o‘tishga rozi bo‘lsa, tibbiy ko‘rik uchun barcha shart-sharoitlarni hozirdan tayyorlamoqchi.
Firmino 2015 yilning iyulidan buyon "Liverpul"da to‘p tepadi, u 2022/23 yilgi mavsum oxirida shartnomasi tugashi sababli klubni tark etdi.
O‘tgan mavsumda hujumchi mersisaydliklar safida 35 ta o‘yinda maydonga tushib, 13 ta gol urdi va 5 ta golli uzatmani amalga oshirdi.