Франция терма жамоаси ҳимоячиси Люка Эрнандес имкон қадар тезроқ "Бавария"ни тарк этиш ниятида, бу ҳақда инсайдер Флориан Плеттенберг ижтимоий тармоқлар орқали маълум қилди.

Журналистнинг фикрича, француз немис гранди сафида қолишни истамаяпти. Ҳозирда "Бавария" ва "ПСЖ" ўртасида Эрнандеснинг трансфери борасида музокаралар олиб борилмоқда.

Бундеслига чемпиони Люканинг сотувидан 50 миллион еврога яқин даромад олишни режалаштирмоқда. Парижликлар таклиф учун ҳозирлик кўрмоқда.

Эрнандес “Бавария”га 2019 йилнинг ёзида келиб қўшилган эди. Ҳимоячи ва клуб ўртасидаги амалдаги меҳнат шартномаси муддати келаси йилнинг ўрталаригача ҳисобланади