"Барселона" яримҳимоячиси Сеск Фабрегас Испания ОАВга маълум қилган фикрларида Тито Виланованинг ўз шогирдлари ўртасида катта ҳурматга эга эканлигини баён қилди.
Фабрегас Виланова қўл остида каталониянинг болалар ва ўсмирлар мактабида ҳам тарбияланган. "Мураббий ўша вақтлардан буён ўзгарганми?" деган саволга Фабрегас деди: " У ҳар доим ҳалол, тўғри ва футбол одами бўлиб келган. У ўз қарорларини фақатгина жамоа фойдасига чиқарган. Тито ҳар доим футболчиларга ёрдам бериб келган, шунинг учун уни жуда ҳурмат қилишар".
Эслатиб ўтамиз, Виланова бошқарувидаги "Барселона" ушбу мавсумни еттита ғалаба ва бир дуранг билан бошлаган.
