"Барселона"нинг янги хариди шу ёзнинг ўзида жамоани тарк этиши мумкин. Хабарларга кўра, эркин агент сифатида олиб келинган Илкай Гюндоганнинг шартномасида ўзига хос банд мавжуд.
Унда, агарда футболчининг клубда рўйхатдан ўтишида муаммолар пайдо бўлса/кечикса, у ҳолда ярим ҳимоячи "Барса"дан яна эркин агент сифатида жўнаб кетиши мумкинлиги белгиланган.
Агарда шундай бўлган тақдирда, каталон клуби Гюндоганнинг битимда белгиланган бир йиллик моашини барибир тўлаб бериши керак бўлади. Бу миқдор эса 9 миллион еврога тенгдир. Аввалроқ Гюндоган ва "Барселона" икки йиллик шартнома тузгани ҳақида хабар қилинган эди.
