Рой Хожсон “Кристал Пэлас”ни бошқаришда давом этади. Томонлар аллақачон оғзаки келишиб олишган - яқин келажакда шартнома қоғозга туширилади ва имзолар билан муҳрланади. Бу ҳақда Sky Sports хабар бермоқда.
Қайд этилишича, “Кристал Пэлас” мутасаддилари бошқа номзодларни кўриб чиқишган, бироқ асосий омиллар Хожсон ва футболчилар орасида машҳурлиги ҳамда тажрибали мутахассис баҳорда натижаларни қандай ўзгартиргани бўлган.
Эслатиб ўтамиз, Рой Хожсон март ойида "Кристал Пэлас" бошқарувчиси лавозимига қайтган эди. Ўшандан бери Премьер-лиганинг 10 учрашувида "бургутлар" бешта ғалаба, учта дуранг ва икки мағлубият қайд этган. Лондонликлар чемпионатда 11-ўринни эгаллади.
