Саудия Арабистони клублари имкон қадар кўпроқ европалик юлдузлар билан шартнома имзолаш умидини йўқотмаяпти.
Журналист Фабрис Хокинснинг маълум қилишича, "Лион" етакчиси Александр Ляказеттга номи ошкор этилмаган Про-лига клуби қизиқиш билдирмоқда. Қайд этилишича, айни дамда ҳужумчи клубини ўзгартиришдан манфаатдор эмас. У муваффақиятли мавсумдан сўнг "Лион"да қолмоқчи.
Эслатиб ўтамиз, Лига 1даги сўнгги мавсумда Ляказетт 35 учрашувда 27 та гол уриб, 5 та голли узатмани амалга оширган.