Саудия клублари Европадан савияли футболчиларни жалб этиш устида ишламоқда.
“Манчестер Сити”нинг ҳужумкор ярим ҳимоячиси Риёд Маҳрез “Ал-Аҳли”нинг нишонида турибди.
Daily Mail нашри хабарига кўра, 32 ёшли жазоирлик футболчига мавсумига бонусларсиз 43 миллион фунт (50 миллион евро) маош билан икки йиллик шартнома таклиф қилинади. Маҳрез айни дамда Англияда бу маошдан беш баравар кам маблағ ишлаб топади.
Шу билан бирга, такидланишича, Илкай Гюндоган кетганидан кейин "Манчестер Сити" Риёд Маҳрезни ёзда бошқа клубга сотмаслиги мумкин. Жазоирлик футболчининг ўзи фаолиятининг сўнггида, Саудия Арабистонида ўйнашни хоҳлайди.
