Матбуот анжуманида "Ульсан" бош мураббийи билан бирга жамоа сардори ва ҳимоячиси Квак Тэ Хви иштирок этди.

Квак Тэ Хви ("Ульсан Хёндэ" клуби ҳимоячиси):
— Эртанги ўйин биз учун муҳим. Ўйин қийин кечади. Биз меҳмонда ўйнаймиз. Меҳмондаги ўйинлар эса одатда қийин кечади. Эртанги ўйинда ғалаба қозониб, биринчи ўйиннинг ўзида ғолиб сифатида майдонни тарк этишни истаймиз.

— Эрон билан ўйинда терма жамоа футболчилари муваффақиятсиз ўйин кўрсатишди. Бу ҳолат "Бунёдкор" билан ўйинда салбий таъсир кўрсатмайдими?
— Мен профессионалман. Жамоадошларим ҳам шундай. Эронга қарши ўйинни унутганмиз. Ҳозирда эса клубга тегишлимиз ва фақат клубнинг ўйини ҳақида ўйлаяпмиз.

— 5 августдан бери жамоа Кей-лигада уйда ғалаба қозона олмаяпти. Бунга нима халал бермоқда.
— Биз буни яхши биламиз. Айтишим жоиз, ҳозирда футболчиларимиз бир вақтнинг ўзида ОЧЛ, миллий чемпионат ва терма жамоа сафида ўйнашмоқда. Янги футболчилар жамоага киришиб кетиши қийин бўлмоқда ва шунинг учун натижа у қадар яхши бўлмаётгандир. Ҳозирда асосий эътиборимизни ОЧЛга қаратганмиз.

— "Ульсан"да ҳам, терма жамоада ҳам футболчилар тўпни баландлатиб сизга узатишга ҳаракат қилишади. Ҳужум асосан сиз орқали ташкил этилади. Бу сизга жисмоний ва руҳий босим ўтказмайдими?
— Терма жамоа ва клуб бироз бошқача услубда ўйнайди. Профессионал бўлганим учун клубда ҳам, терма жамоада ҳам бош билан ҳам, оёқ билан ҳам ўйнай оламан. Бу менга қийинчилик туғдирмайди.

— Сиз Жанубий Корея терма жаомаси сафида Ўзбекистонга гол ургансиз. Эртанги ўйин бошқа стадионда бўлишига қарамасдан, гол уришни истайсизми? (кореялик журналист саволи)
— Гол уриш қийин иш. Ҳозирда ўзимни яхши ҳис қиляпман. Рақибга нисбатан босим ўтказиш ниятидаман. Балким гол уриш насиб қилар. Мен буни хоҳлайман.