Мюнхеннинг "Бавария" клуби "Тоттенхэм"га ҳужумчи Харри Кейн учун 70 миллион евро таклиф қилди.
Олдинроқ "Бавария" ҳужумчининг атрофидагилар билан ижобий музокаралар олиб боргани ва уни ёзги трансферлар ойнаси учун устувор мақсад қилиб қўйгани ҳақида хабар берилганди.
Англиялик ҳужумчининг "Тоттенхэм" билан шартномаси 2024 йилнинг ёзида якунига етади.
29 ёшли Кейн ўтган мавсумда АПЛда 38 ўйинда 30 гол уриб, тўпурарлар жадвалида иккинчи ўринни эгаллади.