"Ювентус" ярим ҳимоячиси Артур Мело ёзги трансфер ойнасида клуби рўйхатини ўзгартириши мумкин.
Mundo Deportivo хабарига кўра, 26 ёшли бразилияликнинг хизматларига Англия Премьер-лигасининг уч клуби қизиқиш билдирмоқда. Айни дамда ярим ҳимоячини "Брайтон", "Ньюкасл" ва "Астон Вилла" клублари кузатиб боришмоқда.
Манбанинг қайд этишича, "Брайтон" аллақачон футболчининг агентлари билан дастлабки музокараларни олиб борган, бироқ дарҳол муаммога дуч келган. Мелонинг "Ювентус"даги маоши 18 миллион еврони ташкил этиши айтилмоқда - бу "чайкалар" учун катта сумма.
Эслатиб ўтамиз, сўнгги мавсумда Мело "Ливерпуль"да ижара асосида ўйнаган эди. Шу билан бирга, у Чемпионлар лигасининг фақат бир учрашувида майдонга тушди. Бразилиялик футболчининг трансфер нархи 15 миллион еврога баҳоланмоқда.
