"Yuventus" yarim himoyachisi Artur Melo yozgi transfer oynasida klubi ro‘yxatini o‘zgartirishi mumkin.
Mundo Deportivo xabariga ko‘ra, 26 yoshli braziliyalikning xizmatlariga Angliya Premyer-ligasining uch klubi qiziqish bildirmoqda. Ayni damda yarim himoyachini "Brayton", "Nyukasl" va "Aston Villa" klublari kuzatib borishmoqda.
Manbaning qayd etishicha, "Brayton" allaqachon futbolchining agentlari bilan dastlabki muzokaralarni olib borgan, biroq darhol muammoga duch kelgan. Meloning "Yuventus"dagi maoshi 18 million yevroni tashkil etishi aytilmoqda - bu "chaykalar" uchun katta summa.
Eslatib o‘tamiz, so‘nggi mavsumda Melo "Liverpul"da ijara asosida o‘ynagan edi. Shu bilan birga, u Chempionlar ligasining faqat bir uchrashuvida maydonga tushdi. Braziliyalik futbolchining transfer narxi 15 million yevroga baholanmoqda.