"Манчестер Сити" спорт директори Чики Бегиристайн Матео Ковачичнинг трансфери ҳақида фикр билдирди.
Хорватиялик футболчи "шаҳарликлар" билан тўрт йиллик шартнома тузди. Сешанба куни трансфер расман тасдиқланди.
"Биз уни жуда узоқ вақтдан бери кузатиб келамиз ва ҳар сафар унинг ўйинини кўрганимизда, у бизда илиқ таассурот қолдирарди.
Бу клубимиз учун катта фойда. Унинг бу ерда эканлигидан жуда хурсандман. Ковачич Гвардиола ва бизнинг футболчилар билан нимага эриша олишини кўриш мароқли", деди Бегиристайн “Манчестер Сити” клуби каналига берган интервьюсида.
