"Арсенал" ярим ҳимоячиси Жоржиньонинг агенти Жоау Сантос футболчининг келаси мавсумда "канонирлар" сафида ўйнашини тасдиқлади.
Олдинроқ ярим ҳимоячига "Лацио"дан қизиқиш борлиги ҳақида хабарлар тарқалган эди.
"Гап "Лацио"нинг қизиқиши ёки уларнинг бюджети ҳақида эмас. Тасдиқлашим мумкинки, Жоржиньо "Арсенал"да бахтли. Келгуси мавсум учун режамиз фақат "Арсенал". "Лацио" билан музокаралар йўқ", - деди Сантос TV Play нашрига.
Жоржиньо 2023 йилнинг қишида "Челси"дан "Арсенал"га ўтган эди. "Канонирлар" сафида 16 та ўйинда майдонга тушиб, голли узатмани амалга оширган.
