"Челси" 18 ёшли бразилиялик вингер билан шартнома имзолайди.

Лондон клуби "Сантос" билан Анжело Боржеснинг трансфери борасида келишиб олди. Фабрицио Романонинг сўзларига кўра, "кўклар" 15 миллион евро тўлайди. Футболчи 2029 йилгача шартнома имзолайди. У "Челси"да мавсумолди машғулотларини бошлайди, кейин эса ижара асосида бошқа жамоага кетиши мумкин.

Қайд этилишича, “Барселона”да “Челси”нинг таклифини такрорлаш учун 48 соат вақт бор, бироқ каталонияликлар буни амалга оширишмайди.

2023 йилги Бразилия чемпионатида Боржес 12 та ўйинда майдонга тушиб, 2 та гол урган.