"Барселона" ва Аргентина терма жамоасининг собиқ бош мураббийи Херардо Мартино "Интер Майами" бош мураббийи этиб тайинланди.
Аргентиналик мутахассис керакли ҳужжатларни олгач, мураббийлик фаолиятини бошлайди.
60 ёшли мутахассиснинг сўнгги иш жойи ўтган йилнинг ноябрь ойида тарк этган Мексика терма жамоаси бўлган. Бунгача Мартино “Атланта”, “Барселона”, “Ньюэллс Олд Бойз”, “Либертад”, “Колон”, “Серро Портено” ҳамда Аргентина ва Парагвай терма жамоаларини бошқарган.
Июнь ойида Лионель Месси фаолиятини “Интер Майами”да давом эттиришини маълум қилганди. 36 ёшли форвард Мартино қўл остида "Барселона" ва Аргентина терма жамоасида ўйнаган.
